2008年4月24号

呃汪汪汪……YO各位博落客同fan屎大家好嘛……嘿嘿嘿前几日同爹地一起睇hip-hop跳舞DVD，我学左“YO”呢个字眼，我好鬼in咧？！

我今个星期既事件簿记录如下：

一位新朋友──不过唔系Hacker

唉……其实呢，自从爹地讲左之后呢，

我一直等住想见Hacker，只不过你知啦爹地同安娣Mei Yan一样咁忙，冇人得闲帮我地搞约会。嘿嘿嘿，不过当我既教母安娣YY系两日前带左她既白色西施黎我地屋企既时候，我就有个好大既惊喜喇！

教母话，她去美里做野既时候，我就要负责照顾MuiMui喇，咭咭咭咭，个名咁得意既……我即刻用我最热情既姿式去欢迎MuiMui。不过，她就用d好长，好低沉同埋好唔友善既狗吠声来回应我。

噢噢，我谂她唔系好开心俾教母留系度陪我啰！我望住爹地，佢就拍拍我，同我讲：“Jodie，要做好朋友知唔知，咁先至系我既good girl嘛。”冇法啦，唯有对她好d啰。

Muimui 系响两日之后才先对我好d，咁都系因为我请左佢食我最钟意既Purina One火鸡味晚餐她先至同我做朋友。她好似唔系咁喜欢食教母留俾爹地既饼饼。我同MuiMui讲，Purina One系最好最好既饼饼，而她一定没试过咁好味既食物，所以她一定要试下。结果呢，她不停咁摇头摆尾表示非常极之同意我既讲法，嘿嘿嘿嘿！！

因为太有创意而被人地罚?

唉唉……有时我真系唔系咁了解你们人类。爹地摆左一大迭报纸响门口边，佢话要俾收旧报纸既安哥喎。安哥话上个拜四要来，不过就等到拜五都唔见人。咁拜四晚d人类统统睡着之后，我感觉到报纸响度call紧我，我望住果堆报纸好─好─好─好─耐，未正式决定要唔要回应报纸既诱惑。

最尾，我决定要开心一晚，用我既创意，俾爹地一个惊喜！我跳上果堆报纸，将佢咬成一块一块，然之后发挥我既创意，将d报纸排得好靓好靓~~~我将d咬到容容烂烂既报纸，好平均咁摆响屋企停车间既左边。点平均法？嘿嘿嘿，每一块砖，我摆3张报纸碎，劲咧？

不过，我净系摆到第21块砖，爹地就打开左度大门，他要去返工喇。我对于自己既杰作感到非常自豪，于是我对爹地好大力咁fing尾，希望得到佢既赞美。只不过爹地既面口就唔多似对我感到自豪啰……

我俾佢赶入我既屋仔（即是我的狗笼啦），老实讲我入得好快，因为爹地既手中cha住一条藤条…… 呼鸣鸣…爹爹kua住我，好恶好嬲咁讲：“睇你搞到成间屋几乱，你曳曳！等我做完工返黎你就知……”

然之后，佢就好嬲咁cha住佢架车走左。我有d唔明白。爹地，我以为你会因为我咁有创意而感到自豪，你自己都响做创意呢一行既嘛……唉唉唉，真系人类心，海底针……