汪汪……哈啰我亲爱地博部客同埋 fan屎……今个星期我过得比上个星期好，虽然比较遗憾既系冇人再请我食羊咩咩骨~~！希望你地大家都好似我咁，有个开心既星期啦！

今个星期既重要事件薄：

不过系用左我既两种本能口者 ──嗅觉同埋我超班既眼力。  

系咁既，爹地上个星期返到屋企，落车既时候，掉落他不嬲叫做工作证既Astro tag。咁佢晏画既时候，又需要赶返去开会喎，于是乎我就见到佢同妈咪两个人反转左沙发同埋台台凳凳去搵果张工作证啰。你知啦，爹地次次要入office都需要呢张野既啦~~~

当爹地第10次去摷佢架车既时候，妈咪睇黎已经好绝望，她用一种好无助既语气问我：“Jodie，你有冇见到爹地既Astro tag？”哎哟…．也野黎既？！妈咪好似知道我谂咁乜，她loh出另一张工作证俾我睇，然之后再问我多一次。

依我咁冰雪聪明，当然系当堂明白晒啦，我即时行出屋企，果阵时爹地重响佢架车度摷到天翻覆地。我开始用个鼻响地上索来索去，就好似爹地同我行街街既时候，我周不时索地上咁。

突然之间，我索到爹地果阵味！（应该系你地人类讲既香水味或者EDT。爹地未试过俾我搽，但其实我好想搽啰因为好香啊~~~~~）噢……事态严重，我依家最好就系唔好离题先喇！

果阵好香既爹地味是由佢架车下底传过来既。我mao低落去，嘿嘿嘿，爹地既蓝色Astro tag咪响度啰！我mao低，捐入架车下底，用我个大口一口咬住个工作证，然后慢慢捐出来。果时，爹地身水身汗咁由佢架车出来，一见到我口中咬住既野，佢笑到好开心，同时好大力咁抱住我。

你知啦，当有人拍我个背后，或者拥抱我，或者赞美我话：“Jodie，醒目女！”既时候，我真系好开心啰，它令我会有一种飘飘然既感觉……嘿嘿嘿，好好玩架……

果个晏昼，爹地俾左我两杯半既Purina火鸡味饼饼（比我平时食开既多左半杯，几开心啊~~~！），佢话：“哪Jodie食多d，等你对眼重犀利d，下次爹地再唔见野既时候你再帮手搵啦！”我对住爹地口骑口骑咁笑，好大力咁摇我条尾，希望佢识do，俾多半杯啦……嗯嗯嗯…好味…嗯嗯…