哪，如果你重记得我最憎既野系乜野，咁你就知点解我上个星期过得唔系咁好喇。上个星期打左好多好多次我最憎既响雷同埋闪电啊！唉……所以好多时候我都匿响我既屋仔（狗笼啦~~~）之中啰，咁样我先至觉得安全啦嘛，几惨啊呵？！最衰就系爹地啰，佢唔俾我入屋匿啊，虽然我摆晒可怜样。通常我一摆出咁样既可怜面口妈咪一定会心软既，但系呢招对爹地就唔得啰！唉……

成个礼拜之中少少既快乐时光：

爹地既生日系4月8号，所以妈咪请左佢去食意大利餐。爹地好有我心，佢打包左一块我呢世狗见过最大块既羊咩咩骨俾我！嗯，真系好好味啊，我每一啖都口赵得好开心！！

妈咪重买左一份礼物俾爹地，哗爹地一见到啊开心到不得了──系一tong大型既摩托车！我本黎都唔系好明白点解，不过后来见到爹地cha得咁开心，我就明白喇。依家我同爹地既行街街差唔多变成赛跑咁济啰，因为佢死猛咁嗌我“Jodie快d，快d黎追爹地……”

跑到我啊，几乎抖唔到气啊，你知啦，虽然话就话系叫我追爹地，但其实我追紧既系以时速70公里黎跑紧既两个辘啊~~~~

我um um食晒我既Purina One三文鱼口味既饼饼，爹地帮我换左只我永远都咁钟意既──火鸡味！！有时我真系唔系好明爹地点解系都要时时限量我d野食，人家明明系可以一次过食4甚至系5杯既嘛，佢就偏偏净系俾人家食果d d咁多既两杯？！

唉……如果啦我可以自己拣自己既晚餐，想点食就点食会有几好啊~~~

Hacker?
未啊，我都重未见过佢。安娣Mei Yan同埋爹地太忙啦，都没时间帮我约佢。所以一直到下个星期我地讲故仔既时间，大家同我一起加油啦！祝你地大家有个好好既星期啦，我最亲爱地博部客同埋 fan屎…Zzz..zz.